Áður verið framið morð þar sem íslenski pilturinn dó

Staðurinn þar sem íslenski pilturinn var myrtur í Tulsa í gærmorgun er sami staður og fólk á þrítugsaldri var myrt á þann 30. ágúst í fyrra. Íslenski pilturinn var staddur á bílastæði við QuikTrip matsölustað þegar hann og maður á fertugsaldri, sem var með honum, voru skotnir. Sá íslenski lést en samferðarmaður hans særðist illa.

Þann 30 ágúst í fyrra voru hinn 27 ára gamli Patrick Shawn og hin 24 ára gamla Kaylyn Kosofsky skotin til bana á þessum sama stað. Par á þrítugsaldri var handtekið fyrir morðin og situr það nú í fangelsi vegna þeirra.

Maðurinn sem grunaður er um að hafa banað Íslendingnum er talinn vera á bilinu 18 til 24 ára gamall, eftir því sem vefurinn Tulsa World greinir frá.