Ekkert lát á skjálftavirkninni fyrir norðan

Ekkert láti virðist vera á skjálftavirkninni norðaustur af Siglufirði, nema hvað þar varð enginn snarpur kippur í nótt.

Ný þróun hefur orðið í skjálftavirkninni við Eyjafjarðarál, segir jarðvísindamaður á heimasíðu Veðurstofunnar í gærkvöldi.

Um kaffileytið í gær fór að bera á aukinni virkni um 5 kílómetra NNV við Gjögurtá, suðaustan við þau svæði sem megin virknin hefur mælst á síðan á laugardag.

Uppúr klukkan hálf tólf í gærkvöldi mældist skjálfti upp á 3,1 stig 5.6 km NNV af Gjögurtá. Eftirskjálftar fylgdu í kjölfarið en upp úr kl. 01 í nótt færðist skjálftavirknin aftur vestur á svipað svæði og stóri skjálftinn varð á um helgina.