Losuðu tarf úr girðingarflækju

„Hann var sprækur en um leið maður nær að setjast á kviðinn á þeim þá detta þeir niður og verða rólegir," segir Þröstur Ágústsson, meðlimur í Björgunarfélagi Hornafjarðar, sem aðstoðuðu tarf sem var fastur í girðingu hjá Firði í Lóni.

„Þetta er nú daglegt brauð hérna en þetta var fyrsta hreindýraútkall haustins. Þeir festa sig annað slagið í girðingum og ná þá að rífa staurana upp. En þessi hefur líklega verið fastur í einn dag eða svo," segir hann. Það var Umhverfisstofnun sem bað björgunarfélagið að hjálpa tarfinum.

Þessa stórskemmtilegu mynd má sjá hér til hliðar.