Erlent

Stofnandi PIP laus úr fangelsi

Jean-Claude Mas, stofnandi brjóstapúðafyrirtækisins PIP.
Jean-Claude Mas, stofnandi brjóstapúðafyrirtækisins PIP. MYND/AFP

Jean-Claude Mas, stofnanda brjóstapúðafyrirtækisins PIP, hefur verið sleppt úr fangelsi. Síðustu átta mánuði hefur Mas setið í bak við lás og slá, eða eftir að í ljós kom að galli væri í brjóstapúðum fyrirtækisins.



Þó svo að dómsmálayfirvöld í Frakklandi hafi ákveðið að sleppa Mas úr haldi þá verður ferðafrelsi hans takmarkað. Sjálf réttarhöldin yfir honum hefjast í mars á næsta ári.



Talið er að um hálf milljón kvenna hafi látið setja í sig brjóstapúða frá PIP. Fyrirtækið hætti störfum árið 2010 eftir að upp komst að iðnaðarsílikon hafði verið notað í púðana.



Mas hefur verið ákærður fyrir að hafa valdið konum alvarlegum skaða með framleiðslu púðanna.

PIP-brjóstapúðar Frakkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið