Ætla að setja lög um smálán

Til stendur að setja lög um smálán, eða svokölluð neytendalán, þar sem meðal annars verður kveðið á um hámarksvexti lánanna.

Steingrímur J. Sigfússon, atvinnuvega- og nýsköpunarráðherra, kynnti frumvarp þessa efnis í ríkisstjórn í morgun. Frumvarpið er núna komið til þingflokka ríkisstjórnarflokkanna samkvæmt upplýsingum frá Hugin Þorsteinssyni, aðstoðarmanni forsætisráðherra.

Huginn kvaðst ekki geta sagt til um það hve háir vextirnir verða, enda gæti sú talað tekið breytingum í meðförum þingsins.

Frumvarpið verður lagt fram í næstu viku.