Thorning-Schmidt komin til landsins

Helle Thorning-Schmidt, forsætisráðherra Danmerkur, lenti á Reykjavíkurflugvelli um klukkan tólf á hádegi í dag. Hún kom í einkaþotu danska hersins.

Jóhanna Sigurðardóttir, forsætisráðherra, tekur móti henni á Þingvöllum í dag og verður fundur þeirra haldinn í Þingvallabústaðnum. Ásta Ragnheiður Jóhannesdóttir, forseti Alþingis, tekur svo á móti henni síðdegis sama dag og sýnir henni húsakynni Alþingis.

Kvöldverður í boði forsætisráðherrahjóna verður í Þjóðmenningarhúsinu. Helle Thorning-Schmidt heldur af landi brott á morgun til Grænlands.