Snorri Steinn og Arnór fengu báðir útborgað í gær

Danska liðið AG Kaupamannahöfn var tekið til gjaldþrotaskipta í gær en systir Kasi Jesper Nielsen segir í viðtali við Ekstra blaðið að allir leikmenn félagsins hafi fengið útborgað um þessi mánaðamót.

Íslensku landsliðsmennirnir Snorri Steinn Guðjónsson og Arnór Atlason voru leikmenn AG Kaupmannahafnar og fengu því laun sín í gær. Þeir eru í hópi sex leikmanna á Ólympíuleikunum sem misstu vinnuna þegar félagið fór á hausinn. Hinir eru Daninn Mikkel Hansen og Svíarnir Kim Andersson, Fredrik Petersen og Niklas Ekberg.

Annette Nielsen, systir Kasi Jesper Nielsen, tók við framkvæmdastjórastöðu félagsins í skamman tíma og fór yfir stöðu mála hjá hinu gjaldþrota félagi.

Annette heldur því fram að félagið eigi enn milljón dollara inn á banka í Glostrup og það eftir að allir fengu útborgað í gær. Félagað á einnig sjö íbúðir í Tyrklandi og fleiri eignir auk þess sem styrktraaðilar skulda enn pening frá því á síðustu leiktíð.