Ásgeir Örn: Ræst mjög snemma

Íslenska landsliðið reif sig snemma á fætur í gærmorgun til að fara á æfingu í æfingahöllinni sem handboltalandsliðin hafa aðgang að hér í Lundúnum.

Æfingaaðstaðan er nokkuð frá Ólympíusvæðinu en höllin er í Dagenham-hverfi Lundúna. „Þetta er löng leið - kannski fulllöng. En við reyndum að vera léttir á leiðinni og stytta okkur stundir. Það var ræst mjög snemma í morgun - korter í sjö," sagði hann eftir æfinguna í gær.

„Þetta er eitthvað sem við þurfum að gera. Fyrsti leikurinn okkar er klukkan hálf tíu að morgni til og því þurfum við að venjast þessu."

„Æfingarnar hafa gengið vel. Hér er allt til alls og við höfum ekki undan neinu að kvarta."