Fjögur mörk, þrjú rauð spjöld og tvö víti í Garðabænum - myndir

Það var mikið fjör í Garðabænum í kvöld þegar Stjörnumenn spiluðu sinn fyrsta leik á nýja gervgrasinu í Garðabænum. Stjarnan og Fylkir gerðu þá 2-2 jafntefli í leik þar sem Garðbæingar enduðu átta inn á vellinum.

Garðar Örn Hinriksson veifaði þremur rauðum spjöldum á Stjörnumenn í leiknum, fyrst á Daníel Laxdal, þá á Henryk Böedker og loks Bjarka Pál Eysteinsson. Fylkismenn nýttu sér þetta og komust yfir í 2-1 en Halldór Orri Björnsson tryggði Stjörnunni stig með marki úr víti á 90. mínútu.

Stefán Karlsson, ljósmyndari Fréttablaðsins og Vísis, var á leik Stjörnunnar og Fylkis á Stjörnuvellinum í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.