Flott mæting í Laugardalinn og aðsóknarmetið féll

Frábær mæting var á fyrstu umferð Pepsi-deildar karla sem lauk með viðureign Fram og Vals á Laugardalsvellinum í gærkvöldi. Alls mættu 1.740 áhorfendur að meðaltali á leikina sex.

Líkt og fjallað var um á Vísi í gær var vitað að 1.100 manns þyrftu að leggja leið sína í Laugardalinn til að metið félli. Þrátt fyrir að sömu lið ættust á sama tíma við í úrslitum um Íslandsmeistaratitilinn í handbolta kvenna létu 1.987 áhorfendur sjá sig í Laugardalnum. Metið féll því með tilþrifum.

Besta mæting á fyrstu umferð efstu deildar karla síðan farið var að halda utan um aðsókn á leiki var sumarið 2006. Þá mættu 1593 áhorfendur að meðaltali en hafa verður í huga að um tíu liða deild var að ræða en ekki tólf liða eins og er í dag. Heildarfjöldi áhorfenda það ár var því 7,965 en 10.439 í ár. Munar þar heilum 2.474 áhorfendum.

Aðsókn á leikina í 1. umferð í ár

2.383 manns: Breiðablik - ÍA

2.164 manns: KR - Stjarnan

1.987 manns: Fram - Valur

1.586 manns: FH - Grindavík

1.243 manns: Selfoss - ÍBV

1.076 manns: Fylkir - Keflavík