Hamilton eyðir tíma með fyrrverandi

Þó að þau hafi hætt saman í nóvember eru Lewis Hamilton (27) og söngkonan Nicole Scherzinger (33) enn góðir vinir. Hamilton tilkynnti á Twitter fyrir helgi að hann væri á tónleikum Nicole í Dublin að hún hefði verið frábær.

Þá segir breska götublaðið The Sun frá því að eftir tónleikana hafi þau hoppað um borð í einkaþotu og flogið til Mónakó þar sem eyddu nóttini á 5 stjörnu hóteli og leiddust þaðan út í morgunsárið.

Í júlí í fyrra var því slúðrað að Lewis og Nicole ætluðu að gifta sig, því var hins vegar neitað af báðum aðilum um leið. Þau hafa verið saman í rúm fjögur ár og hætt saman tvisvar og segja það stafa af því hversu erfið fjarbúðin er; hún á vesturströnd Bandaríkjanna og hann bókstaflega allstaðar.

Mikið var rætt um andlegt ójafnvægi Hamiltons í fyrra og að það hefði haft mikil áhrif á árangur hans í mótunum. Nicole var í sviðsljósinu í þeirri umræðu og talin bera mikla ábyrgð á ástandinu.

Nicole Scherzinger skaust upp á stjörnuhimininn þegar stúlknasveitin Pussycat Dolls varð fræg. Hún hefur síðustu ár einbeitt sér að sólóferlinum og var meðal annars dómari í X Factor við hlið Simons Cowell.