Enn tapa Framarar - myndir

Fram situr sem fastast á botni Pepsi-deildar karla en liðið tapaði fyrir FH í gær og er aðeins með tvö stig eftir átta umferðir.

FH-ingar komu sér upp í fimmta sæti deildarinnar með sigrinum en þeir Björn Daníel Sverrisson og Atli Viðar Björnsson skoruðu mörk þeirra í gær. Kristinn Ingi Halldórsson skoraði mark Fram í leiknum og varð þar með fyrsti Framarinn í sumar fyrir utan Arnar Gunnlaugsson til að skora fyrir liðið í deildarleik.

Haraldur Guðjónsson, ljósmyndari Vísis og Fréttablaðsins, var á vellinum og tók þessar myndir.