Umfjöllun: Öruggur sigur hjá KR á teppinu

Teppið í Garðabæ reyndist KR ekki nein hindrun í kvöld er liðið sótti Stjörnuna heima í 32-liða úrslitum Valitor-bikarsins í knattspyrnu. KR-ingar beittari frá fyrstu mínútu og hreinlega óðu í færum í fyrri hálfleik sem þeim tókst ekki nýta. Voru hreint ótrúlegir klaufar fyrir framan markið.

Stjarnan beit frá sér en herslumuninn vantaði í sóknarleik þeirra. KR hefði líklega átt að missa Baldur Sigurðsson af velli eftir rúmlega 20 mínútna leik er hann hægði allhressilega á Daníel Laxdal sem var sloppinn í gegn. Þar slapp KR með skrekkinn rétt eins og Stjarnan gerði er KR óð í færum.

Gestirnir náðu verðskuldaðri forystu rétt fyrir hlé er Viktor Bjarki skallaði sendingi Óskars Arnar í netið. Smekklega gert.

Dofri kom KR yfir eftir magnaðan sprett upp völlinn. Kláraði færið sitt smekklega. Viktor Bjarki gekk svo frá leiknum með skoti utan teigs sem Ingvar hefði átt að verja en hann átti ekki sérstakan leik í marki Stjörnunnar.

KR-ingar litu vel út í þessum leik. Vörnin þétt, miðjan öflug og sóknarleikmennirnir ávallt hættulegir. Viktor Bjarki er í fantaformi en Dofri stal senunni með mögnuðum leik í kvöld og góðu marki. Mikið efni þar á ferðinni.

Sóknarmenn Stjörnunnar ollu vonbrigðum í kvöld. Fundu sig engan veginn og það leyndi sér ekki að liðið saknaði Garðars Jóhannssonar. Breiddin ekki næg í Garðabænum og munaði um það í kvöld. Þegar Jesper Jensen fór af velli lítillega meiddur í upphafi síðari hálfleiks var nokkurn veginn allur vindur úr Garðbæingum.

Stjarnan-KR  0-3

0-1 Viktor Bjarki Arnarsson (45.)

0-2 Dofri Snorrason (65.)

0-3 Viktor Bjarki Arnarsson (71.)

Áhorfendur: 590

Dómari: Þorvaldur Árnason  3.

Skot (á mark): 9-15 (5-8)

Varin skot: Ingvar 4 – Hannes 5

Horn: 6-6

Aukaspyrnur fengnar: 16-8

Rangstöður: 4-4

KR (4-3-3)

Hannes Þór Halldórsson  7

Dofri Snorrason  8 – Maður leiksins

Skúli Jón Friðgeirsson  7

Grétar Sigfinnur Sigurðarson  7

Jordao Diogo  5

(74., Guðmundur Reynir Gunnarsson  -)

Bjarni Guðjónsson  7

Baldur Sigurðsson  6

Viktor Bjarki Arnarsson  8

(74., Ásgeir Örn Ólafsson  -)

Óskar Örn Hauksson  6

Kjartan Henry Finnbogason  4

(61., Gunnar Örn Jónsson  5)

Guðjón Baldvinsson  6

Stjarnan (4-3-3)

Ingvar Jónsson  4

Baldvin Sturluson  6

(81., Birgir Rafn Baldursson  -)

Nikolaj Pedersen  6

Hörður Árnason  5

Hafsteinn Rúnar Helgason 6

Daníel Laxdal  6

Björn Pálsson  4

Jesper Jensen  5

(50., Víðir Þorvarðarson  4)

Jóhann Laxdal  3

Halldór Orri Björnsson  3

Þorvaldur Árnason  2

(74., Aron Grétar Jafetsson  -)