Umfjöllun: Stjarnan valtaði yfir Fylki

Stjarnan vann öruggan 4-1 sigur á Fylki á Stjörnuvelli í kvöld. Þó öll mörk Stjörnunnar hafi komið síðustu 25 mínútur leiksins virtist fátt benda til annars frá upphafi að Stjarnan myndi sigra því yfirburðir liðsins á vellinum voru miklir gegn Fylkisliði sem lék líklega sinn slakast leik í sumar.

Fylkir komst yfir á 16. mínútu þvert gegn gangi leiksins og hefði getað komist í 2-0 rétt fyrir leikhlé úr öðru færi sínu og nánast sinni annarri sókn í leiknum þegar Andri Þór skallaði í slána eftir horn. Stjarnan fékk mun fleiri færi til að skora í fyrri hálfleik bæði fyrir og eftir markið en dauðafærin komu á færibandi eftir að Bjarni Jóhannsson setti varnarmanninn Tryggva Svein í framlínuna þegar 64. mínútu voru liðnar af leiknum.

Tryggvi Sveinn skoraði tvö mörk og lagði upp það þriðja áður en Ellert Hreinsson gerði út um leikinn fimm mínútum fyrir leikslok.

Stjarnan var betri á öllum sviðum leiksins. Þeir bláklæddu áttu miðjuna allan leikinn og þó Fylkir hafi átt nokkrar hættulega skyndisóknir fékk liðið í raun ekki fleiri en tvö áður nefndu færin. Framlína Stjörnunnar var frábær í leiknum og þá sérstaklega eftir að Tryggvi kom inn á og hefði sigurinn hæglega getað orðið stærri.

Fylkir missti með tapinu af dýrmætu tækifæri til að halda sér í toppbaráttunni en Stjarnan lyfti sér að hlið Fylkis í fimmta sæti deildarinnar með sigrinum og ljóst að Garðbæingar ætlar að blanda sér í baráttuna um Evrópusæti hefur nú þegar þaggað niður í öllum spám um fallbaráttu þetta sumarið með góðri og skemmtilegri spilamennsku sem í senn gleður augað og vinnur sigra.

Stjarnan-Fylkir 4-1

0-1 Andrés Már Jóhannesson ´16

1-1 Tryggvi Sveinn Bjarnason ´65

2-1 Halldór Orri Björnsson ´76

3-1 Tryggvi Sveinn Bjarnason ´81

4-1 Ellert Hreinsson ´85

Stjörnuvöllur. Áhorfendur: 793

Dómari:  Guðmundur Ársæll Guðmundsson 5

Skot (á mark): 12-4 (8-4)

Varið: Ingvar 2 – Fjalar 3

Hornspyrnur: 5-2

Aukaspyrnur fengnar: 10-13

Rangstöður: 1-8

Stjarnan 4-3-3:

Ingvar Jónsson 5

Baldvin Sturluson 5

(87. Bjarki Páll Eysteinsson -)

Daníel Laxdal 6

Nikolaj Pedersen 6

Hörður Árnason 7

Þorvaldur Árnason 6

Jesper Jensen 6

(92. Víðir Þorvarðarson -)

Ellert Hreinsson 8

Jóhann Laxdal 7

Halldór Orri Björnsson 7

Garðar Jóhannsson 4

(*64. Tryggvi Bjarnason 8)

Fylkir 4-3-3:

Fjalar Þorgeirsson 4

Andri Þór Jónsson 3

Valur Fannar Gíslason 3

(87. Daníel Freyr Guðmundsson -)

Þórir Hannesson 4

Kjartan Ágúst Breiðdal 4

Ásgeir Börkur Ásgeirsson 5

Gylfi Einarsson 5

Baldur Bett 4

(70. Davíð Þór Ásbjörnsson 5)

Andrés Már Jóhannesson 6

Ingimundur Níels Óskarsson 3

(Hjörtur Hermannsson -)

Albert Brynjar Ingason 4