Syngur Heims um ból á miðjum Mercury-tónleikum 23. nóvember 2011 07:00 Friðrik Ómar og félagar ætla að syngja til heiðurs Freddie Mercury í Hörpunni.fréttablaðið/valli Fernir tónleikar til heiðurs Freddie Mercury, söngvara Queen, verða haldnir í Hörpu í kvöld og annað kvöld. Friðrik Ómar segist vera í hörkuformi. Í dag eru tuttugu ár liðin síðan Freddie Mercury, söngvari bresku hljómsveitarinnar Queen og einn besti rokksöngvari sögunnar, lést úr alnæmi. Af því tilefni ætla þau Friðrik Ómar, Magni Ásgeirsson, Eiríkur Hauksson, Matthías Matthíasson, Eyþór Ingi Gunnlaugsson og Hulda Björk Garðarsdóttir að heiðra söngvarann með fernum tónleikum í Silfurbergi í Hörpunni í kvöld og annað kvöld. Fyrstu tónleikarnir voru reyndar í Hofi á Akureyri síðastliðið föstudagskvöld og gengu þeir vel. Svo skemmtilega vill til að Frostrósaæfing verður í Hörpunni á sama tíma og Mercury-tónleikarnir en Friðrik Ómar er einmitt fullgildur Frostrósameðlimur. „Ég þarf að taka nokkur lög á milli laga í Freddie-sýningunni. Ég fer og syng Heims um ból á milli,“ segir Friðrik Ómar og segist ekkert þurfa á hvíldinni að halda á milli Mercury-laganna, enda skiptast alls sex söngvarar á að syngja lögin hans „Þetta er bara gaman. Ég er alveg stálsleginn.“ Friðrik Ómar syngur á þrjátíu tónleikum með Frostrósum og hefst tónleikaferðin í Færeyjum strax á föstudaginn. Þar verða fernir tónleikar í Norðurlandahúsinu og er uppselt á þá alla. Vinur hans Jógvan syngur einmitt með Frostrósunum í fyrsta skipti í Færeyjum en hann og Friðrik Ómar gáfu nýlega út barnaplötu þar sem þeir syngja íslensk og færeysk barnalög. Síðasta plata þeirra, Vinalög, hefur selst í tæpum tíu þúsund eintökum. „Við eigum eftir að árita nokkrar plötur í Færeyjum og kynna hana þar. Þessi plata fór strax mjög vel af stað og hún mun ekki gefa hinni neitt eftir.“ Eftir áramót fer Friðrik Ómar aftur til Svíþjóðar þar sem hann hefur búið undanfarin misseri og skömmu síðar tekur við fimm vikna ferðalag til Asíu þar sem hann hleður batteríin fyrir næstu tónlistarlotu.freyr@frettabladid.is Tónlist Mest lesið Var ekki beðinn um að skrifa meira á RÚV eftir pistilinn 2022 Lífið Björgólfur og Kristín í fimmtugsafmæli Beckham Lífið Stjörnulífið: Drottningar á Bessastöðum Lífið Mæðgin á stóra sviðinu í Feneyjum með íslenskan arkitektúr Menning Áhorfendur djúpt snortnir á forsýningu Stóru stundarinnar Lífið Verðmiðinn hækkar á höll Antons Lífið Áttu sturlaða stund á Times Square Lífið Glamúr og glæsileiki í fimmtugsafmæli Kristínar Ólafs Lífið The Wire og Sopranos-leikari látinn Lífið „Svo byrjaði ég að kyssa stráka og varð allt í einu algjör uppreisnarseggur“ Lífið Fleiri fréttir Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira
Fernir tónleikar til heiðurs Freddie Mercury, söngvara Queen, verða haldnir í Hörpu í kvöld og annað kvöld. Friðrik Ómar segist vera í hörkuformi. Í dag eru tuttugu ár liðin síðan Freddie Mercury, söngvari bresku hljómsveitarinnar Queen og einn besti rokksöngvari sögunnar, lést úr alnæmi. Af því tilefni ætla þau Friðrik Ómar, Magni Ásgeirsson, Eiríkur Hauksson, Matthías Matthíasson, Eyþór Ingi Gunnlaugsson og Hulda Björk Garðarsdóttir að heiðra söngvarann með fernum tónleikum í Silfurbergi í Hörpunni í kvöld og annað kvöld. Fyrstu tónleikarnir voru reyndar í Hofi á Akureyri síðastliðið föstudagskvöld og gengu þeir vel. Svo skemmtilega vill til að Frostrósaæfing verður í Hörpunni á sama tíma og Mercury-tónleikarnir en Friðrik Ómar er einmitt fullgildur Frostrósameðlimur. „Ég þarf að taka nokkur lög á milli laga í Freddie-sýningunni. Ég fer og syng Heims um ból á milli,“ segir Friðrik Ómar og segist ekkert þurfa á hvíldinni að halda á milli Mercury-laganna, enda skiptast alls sex söngvarar á að syngja lögin hans „Þetta er bara gaman. Ég er alveg stálsleginn.“ Friðrik Ómar syngur á þrjátíu tónleikum með Frostrósum og hefst tónleikaferðin í Færeyjum strax á föstudaginn. Þar verða fernir tónleikar í Norðurlandahúsinu og er uppselt á þá alla. Vinur hans Jógvan syngur einmitt með Frostrósunum í fyrsta skipti í Færeyjum en hann og Friðrik Ómar gáfu nýlega út barnaplötu þar sem þeir syngja íslensk og færeysk barnalög. Síðasta plata þeirra, Vinalög, hefur selst í tæpum tíu þúsund eintökum. „Við eigum eftir að árita nokkrar plötur í Færeyjum og kynna hana þar. Þessi plata fór strax mjög vel af stað og hún mun ekki gefa hinni neitt eftir.“ Eftir áramót fer Friðrik Ómar aftur til Svíþjóðar þar sem hann hefur búið undanfarin misseri og skömmu síðar tekur við fimm vikna ferðalag til Asíu þar sem hann hleður batteríin fyrir næstu tónlistarlotu.freyr@frettabladid.is
Tónlist Mest lesið Var ekki beðinn um að skrifa meira á RÚV eftir pistilinn 2022 Lífið Björgólfur og Kristín í fimmtugsafmæli Beckham Lífið Stjörnulífið: Drottningar á Bessastöðum Lífið Mæðgin á stóra sviðinu í Feneyjum með íslenskan arkitektúr Menning Áhorfendur djúpt snortnir á forsýningu Stóru stundarinnar Lífið Verðmiðinn hækkar á höll Antons Lífið Áttu sturlaða stund á Times Square Lífið Glamúr og glæsileiki í fimmtugsafmæli Kristínar Ólafs Lífið The Wire og Sopranos-leikari látinn Lífið „Svo byrjaði ég að kyssa stráka og varð allt í einu algjör uppreisnarseggur“ Lífið Fleiri fréttir Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira