Teikningar af nýrri stúku við Hásteinsvöll

ÍBV hefur látið teikna og hanna nýja stúku við Hásteinsvöll í Vestmannaeyjum en félagið þarf að byggja stúkuna fyrir næsta tímabil til að standast kröfur leyfiskerfis KSÍ. Framkvæmdarstjóri ÍBV segir hins vegar skort vera á fjárhagslegum stuðningi frá bæjaryfirvöldum í Vestmannaeyjum.

Teikningarnar má sjá með því að smella á myndirnar hér til hliðar.

Samkvæmt leyfiskerfi KSÍ þurfa félögin í Pepsi-deild karla að hafa stúku með þaki sem tekur minnst þrjú til fjögur hundruð manns í sæti. ÍBV hefur verið á undanþágu frá leyfiskerfinu en nú er lokafresturinn að renna út.

„Við erum að horfa fram á að næsti leikur okkar hér í Vestmannaeyjum, gegn KR á sunnudaginn, verði næstsíðasti heimaleikur okkar hér í bænum ef ekkert breytist,“ segir Tryggvi Már Sæmundsson, framkvæmdarstjóri ÍBV, en hér fyrir ofan má sjá viðtal við hann.

„Einn þriðji af kostnaði við byggingu stúkunnar er 27-28 milljónir sem mér finnst ekki svakalega mikið fyrir bæjarfélag sem á í sjóðum síðum tæpar fjögur þúsund milljónir.“