Víkurfréttir: Haraldur til Noregs og framtíð Willums rædd í Keflavík

Haraldur Freyr Guðmundsson, fyrirliði Keflavíkur, verður ekki meira með Keflvíkingum á þessu tímabili því hann hefur gert samning til áramóta við norska félagið Start. Víkurfréttir segir frá þessu í kvöld og einnig frá því að knattspyrnudeild Keflavíkur sé að ræða framtíð Willums Þórs Þórssonar.

Keflvík er búið að tapa fjórum leikjum í röð í Pepsi-deild karla og liðið situr nú í þriðja neðsta sætið sex stigum frá fallsæti. Það er mikill missir fyrir liðið að sjá á eftir fyrirliða sínum úr miðri vörninni en liðið vantar tilfinnanlega meiri reynslu í sitt lið.

„Mikil viðbrögð hafa verið við ummælum Willums Þórs Þórssonar í viðtölum við fjölmiðla eftir tapleikinn gegn Fylki í gær. Í viðtali við Stöð 2 og Bylgjuna sagði þjálfarinn að það væri ekki nóg að hann einn legðist á árarnar. Þau ummæli fóru fyrir brjóstið á mörgum en í viðtali við vf.is sagði hann einnig ýmislegt sem þótti orka tvímælis," segir í fréttinni inn á Vf.is en stjórnarfundur í Knattspyrnudeild Keflavíkur verður haldinn annað kvöld.

Víkurfréttir hafa heimildir fyrir því að Willum Þór fái að klára tímabilið en að samningurinn verði ekki endurnýjaður við hann eftir tímabilið.