Bónorð í hálfleik

Það var skemmtileg uppákoma í hálfleik á leik Noregs og Ungverjalands. Þá mætti niður í gólfið í Himmelstalundshallen ungur Norðmaður ásamt fiðluleikurum.

Sá hélt mikla ræðu sem endaði með því að hann skellti sér niður á annað hnéð og bað unnustu sinnar.

Allt varð vitlaust í höllinni í kjölfarið og unnustan þurfti að gera sér ferð niður á gólf til þess að svara.

Hún kom niður á gólf með lítið barn þeirra í fanginu. Svarið var já.

Unnustinn dró hring á fingur hennar í kjölfarið og smellti kossi sem var lítilfjörlegur miðað við allt umstangið.