Marshall og Egill reknir frá Víkingi

Þeir Colin Marshall og Egill Atlason, leikmenn Víkings, hafa verið reknir frá félaginu eftir því sem kemur fram á Fótbolti.net.

Marshall reifst við Bjarnólf Lárusson, þjálfara liðsins, í miðjum leik gegn Val á fimmtudagskvöldið og var hann tekinn af velli strax á 20. mínútu.

Egill Atlason átti að vera í leikmannahópi Víkings í leiknum en mætti ekki. Hefur verið ákveðið að reka báða leikmenn.

Með 1-0 tapi fyrir Val féll Víkingur úr Pepsi-deild karla á fimmtudagskvöldið.