Snæfell mætir Stjörnunni og KR leikur við Keflavík

Nú þegar fjórðungsúrslitunum í úrslitakeppni Iceland Express-deildar karla liggja fyrir er ljóst hvaða lið mætast í undanúrslitunum sem hefjast á sunnudagskvöldið.

Þrír oddaleikir fóru fram í kvöld. Deildarmeistararnir í Snæfelli unnu öruggan sigur á Haukum og mæta því Stjörnumönnum sem lögðu Grindvíkinga á útivelli í kvöld.

Þá verður Keflavík næsti mótherji KR sem var eina liðið sem þurfti ekki oddaleik til að komast áfram í undanúrslit. Keflavík vann í kvöld nauman sigur á ÍR eftir framlengdan leik.

Snæfell og KR urðu í efstu tveimur sætum deildarinnar og verða því með heimavallarréttinn í sínum rimmum.