Daniel Howell með þrennu gegn gömlu félögunum í Gróttu

Daniel Justin Howell skoraði öll þrjú mörk KA sem vann góðan sigur á Gróttu á útivelli í 1. deildinni. BÍ/Bolungarvík vann Þrótt á sama tíma, 2-1.

Howell kom til KA frá Gróttu fyrir tímabilið og hann sá til þess að norðanmenn unnu öruggan og þægilegan sigur á Seltirningum.

Sveinbjörn Jónasson kom Þrótti yfir strax á níundu mínútu fyrir vestan en Kevin Brown náði að jafna metin áður en flautað var til hálfleiks. Atli Guðjónsson tryggði svo heimamönnum sigur með marki á 58. mínútu.

BÍ/Bolungarvík er í fimmta sætinu með 31 stig en er sjö stigum á eftir Selfyssingum, sem eru í öðru sæti, þegar þrjár umferðir eru eftir.

Þróttarar eru svo í sjöunda sæti með 26 stig en KA kemur næst með 23 en liðið gulltryggði sæti sitt í deildinni með sigrinum í dag.

Grótta og ÍR eru bæði með nítján stig og þau einu sem eiga enn möguleika á að falla úr deildinni ásamt botnliðunum Leiknir (13 stig) og HK (12 stig).