Fagurt handbragð í París

Sýningar á Haute Couture, eða hátískunni eins og það nefnist á íslensku, fara fram þessa dagana í París. Sýningarnar, sem gefa sköpunargáfu hönnuða frjálsan tauminn, einkennast af fáguðu handbragði og íburðarmiklum flíkum fyrir veturinn 2011.

Sýningar tískuhússins Christian Dior var beðið með eftirvæntingu enda Bill Gaytten nú við stjórnvölinn eftir brottrekstur Johns Galliano. Skiptar skoðanir eru hins vegar um litaglaða frumraun Gaytten á tískupallinum.

Maison Martin Margiela var mínimalískt að vanda og svartar grímur yfir andlitum fyrirsætanna.

Á fremsta bekk sátu svo leikkonurnar Katie Holmes og Cate Blanchett og sáu eflaust eitthvað fagurt til að klæðast á rauða dreglinum.

alfrun@frettabladid.is