Aniston sögð barnshafandi

Bandaríska tímaritið OK Magazine birtir nú fréttir þess efnis að leikkonan Jennifer Aniston sé barnshafandi. Blaðið þykist það öruggt í sinni sök að fréttin prýðir forsíðu blaðsins. Í greininni kemur fram að Aniston þykir hafa bætt óvenjumiklu á maga, rass og brjóst síðustu mánuði.

„Hún hefur ekki ennþá viðurkennt það fyrir vinum sínum en flestir þeirra halda að Aniston sé loksins ófrísk,“ segir í greininni. Aðeins nokkrar vikur eru síðan OK Magazine birti óléttufregnir af annarri stjörnu en þá var Kim Kardashian sögð eiga von á barni. Hvorki Aniston né Kardashian hafa viðurkennt óléttuna og því mun tíminn einn leiða í ljós hvort slúðurblaðið hafði rétt fyrir sér í þetta sinn.