Enn snjóar á íslenska knattspyrnuvelli - vallarstjórar svartsýnir Eiríkur Stefán Ásgeirsson skrifar 18. apríl 2011 10:51 Víkingsvöllurinn var þakinn snjó í morgun. Mynd/Víkingur Þegar íbúar höfuðborgarsvæðisins vöknuðu í morgun blasti við þeim hvít jörð og falla snjókornin enn þegar þessi orð eru skrifuð. Aðeins þrettán dagar eru í fyrsta leik á Íslandsmótinu, Pepsi-deild karla. Vísir hringdi í vallarstjóra þeirra félaga sem eiga heimaleik í fyrstu umferð sem fer fram dagana 1. og 2. maí. Opnunarleikur mótsins fer fram á Kópavogsvelli þegar að Íslandsmeistarar Breiðabliks taka á móti KR en áætlað er að fimm leikir fari fram mánudagskvöldið 2. maí. Helmingur vallanna sem verða notaðir í fyrstu umferðinni eru upphitaðir og líklegt er að leikir geti farið fram á þeim völlum eins og áætlað var. Þetta eru heimavellir Breiðabliks, Vals og Keflavíkur. Hins vegar er útlitið nokkuð svart á óupphituðu völlunum - Fylkisvelli, Víkingsvelli og Hásteinsvelli í Vestmannaeyjum og alls óvíst hvort að leikir geti farið fram á tilsettum tíma.Fylkisvöllur „Mér líst ekkert vel á þetta," sagði Guðmann Hauksson, vallarstjóri á Fylkisvellinum. „Það er bara enn vetur og ekki útlitið fyrir að vorið komi á allra næstu dögum, miðað við spána." „Það hefur svo sem ekki verið mikið frost í jörðinni undanfarna daga en hitastigið í jarðveginum er ekki það mikið að það sé mikið að gerast. Það þarf meiri hita í jörðina til að fá grasið fari að vaxa almennilega. Það hefur eitthvað verið að mjakast undanfarið en ekkert af viti." Hann segir að Fylkisvöllur hafi alltaf verið seinn til, miðað við aðra velli í Reykjavík, og að tíðarfarið hjálpi ekki til. „Það er kaldara hér en til að mynda vestur í bæ. Það er ekki víst að það snjói á KR-völlinn þegar það snjóar hér. Við höfum verið 7-10 dögum á eftir hinum." „Miðað við veðurspána er útlitið ekki gott," sagði Guðmann og mátti heyra á honum að hann væri ekki bjartsýnn á að leikur Fylkis og Grindavíkur gæti farið fram á réttum tíma.Víkingsvöllur „Hér er bara hvítt útlits," sagði Haraldur V. Haraldsson, framkvæmdarstjóri knattspyrnudeildar Víkings. „Völlurinn er mjög blautur og við erum að bíða eftir þurrkutíð," bætti hann við og mátti heyra bæði á honum og fleirum að það væri helsta vandamálið - bleytan. „Við getum ekki farið með nein tæki út á völlinn til að vinna í vellinum og sanda hann. Líkurnar á frestun aukast frá degi til dags." „Við þurfum að fá þurrkutíð og 7-10 stiga hita. En það er bara rigning í kortunum og því lítur þetta ekki nógu vel út." En hann segir að það sé erfitt að spá um framhaldið á þessum tímapunkti. Þetta muni einfaldlega ráðast mikið af tíðarfarinu á síðustu vikunni í apríl. „Með sama áframhaldi getur það varla talist raunhæft að spila á þessum velli þann 2. maí. Við þurfum bara að sjá til."Vestmannaeyjar „Þetta tók smá kipp fyrir viku síðan þegar það komu smá hlýjindi. Þá varð völlurinn aðeins grænn en það vantar enn nokkuð upp á," sagði Kári Þorleifsson, vallarstjóri Hásteinsvallar. Hann var þó enn bjartsýnn á að leikur ÍBV gegn Fram færi fram á réttum tíma. „En það fer eftir síðustu vikunni fyrir mót. Völlurinn er fljótur að taka við sér ef hann fær rétttar aðstæður. Við ætlum að láta reyna á þetta fram á síðustu stundu. Aðalmálið er að það fari að hlýna aðeins - það er kalt og spáin er þannig fyrir næstu daga."Aðrir vellir Heyra mátti á vallarstjórum Vals og Breiðabliks að hitunarkerfið kæmi að góðum notum við þessar aðstæður. „Völlurinn leit ágætlega út á föstudaginn," sagði Theódór Hjalti Valsson, vallarstjóri á Vodafone-vellinum. „Vandamálið er að hann er allt of blautur og getum við ekkert unnið í honum. Þetta er eitt blautasta vor í manna minnum. Við bárum á hann áburð á daginn en þurfum að bíða eftir þurrkutíð og hlýjindum til að geta unnið frekar í honum eins og þarf að gera." „En ég held að við séum að fara að spila á þessum velli, ekki nema að þetta haldi svona áfram út mánuðinn," sagði hann og átti þá við snjókomuna og kuldann. „Við þurfum nokkra daga með ágætis hita," sagði Jóhann Örn Sveinbjörnsson sem starfar á Kópavogsvellinum. „Við erum með dúk á vellinum núna sem hjálpar til við að halda kuldanum frá. Grasið hefur tekið ágætlega við sér og ég tel að hér verði spilað þann 1. maí." „Þetta lítur þokkalega út," sagði Sævar Leifsson, vallarstjóri Nettóvallarins í Keflavík. „Það snjóar aðeins en hefur ekki náð að festa neitt að viti." „Þetta er orðið þokkalegt en völlurinn á þó töluvert eftir. Við erum þó bjartsýnir á að þetta verði klárt í tæka tíð," sagði hann og bætti við að hitakerfið hefði hjálpað mikið til.Viðbrögð KSÍ Heyra mátti á fulltrúum KSÍ í morgun að ekki yrði tekin ákvörðun um frestun leikja á þessum tímapunkti heldur yrði fylgst með þróun mála á völlunum eftir því sem nær dregur fyrstu umferðinni. Pepsi Max-deild karla Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti „Röng ákvörðun af minni hálfu og ég tek fulla ábyrgð“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Uppgjör og viðtöl: Vestri - HK 1-0 | Benedikt tryggði Vestra annan sigurinn í röð „Alveg ljóst að fínni blæbrigði knattspyrnurnnar þurfa að víkja“ Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Sandra María: Vil gera betur en í fyrra Uppgjörið og viðtöl: FH - Þór/KA 0-4 | Óvæntur stórsigur gestanna Uppgjör og viðtöl: Breiðablik - Tindastóll 3-0 | Sannfærandi sigur Blika á kraftmiklum Stólum „Við þurfum að þekkja okkar vitjunartíma og taka færin“ Uppgjörið og viðtöl: Þróttur R. - Valur 1-2 | Amanda heldur áfram að skora „Við erum ekki að fara rúlla yfir eitt eða neitt mót“ Sharts í aðalhlutverki í endurkomusigri Stjörnunnar Uppgjörið: Víkingur R. - Fylkir 2-2 | Jafnt í nýliðaslagnum „Auðvitað voru þetta ekki gleðifréttir“ Fékk prófessorsnafnið frá Gaupa: „Ég er bölvaður nörd“ Víkingar fengu góða sumargjöf Stórleikur í Garðabænum og Fram mætir þriðju deildarliðinu Berglind Björg komin með félagaskipti í Val Uppgjörið: Keflavík - Breiðablik 2-1| Sami Kamel afgreiddi Blika KR fékk ungan Svía fyrir gluggalok 350 þúsund krónur i sektir og tveir fá þriggja mánaða bann Sjá meira
Þegar íbúar höfuðborgarsvæðisins vöknuðu í morgun blasti við þeim hvít jörð og falla snjókornin enn þegar þessi orð eru skrifuð. Aðeins þrettán dagar eru í fyrsta leik á Íslandsmótinu, Pepsi-deild karla. Vísir hringdi í vallarstjóra þeirra félaga sem eiga heimaleik í fyrstu umferð sem fer fram dagana 1. og 2. maí. Opnunarleikur mótsins fer fram á Kópavogsvelli þegar að Íslandsmeistarar Breiðabliks taka á móti KR en áætlað er að fimm leikir fari fram mánudagskvöldið 2. maí. Helmingur vallanna sem verða notaðir í fyrstu umferðinni eru upphitaðir og líklegt er að leikir geti farið fram á þeim völlum eins og áætlað var. Þetta eru heimavellir Breiðabliks, Vals og Keflavíkur. Hins vegar er útlitið nokkuð svart á óupphituðu völlunum - Fylkisvelli, Víkingsvelli og Hásteinsvelli í Vestmannaeyjum og alls óvíst hvort að leikir geti farið fram á tilsettum tíma.Fylkisvöllur „Mér líst ekkert vel á þetta," sagði Guðmann Hauksson, vallarstjóri á Fylkisvellinum. „Það er bara enn vetur og ekki útlitið fyrir að vorið komi á allra næstu dögum, miðað við spána." „Það hefur svo sem ekki verið mikið frost í jörðinni undanfarna daga en hitastigið í jarðveginum er ekki það mikið að það sé mikið að gerast. Það þarf meiri hita í jörðina til að fá grasið fari að vaxa almennilega. Það hefur eitthvað verið að mjakast undanfarið en ekkert af viti." Hann segir að Fylkisvöllur hafi alltaf verið seinn til, miðað við aðra velli í Reykjavík, og að tíðarfarið hjálpi ekki til. „Það er kaldara hér en til að mynda vestur í bæ. Það er ekki víst að það snjói á KR-völlinn þegar það snjóar hér. Við höfum verið 7-10 dögum á eftir hinum." „Miðað við veðurspána er útlitið ekki gott," sagði Guðmann og mátti heyra á honum að hann væri ekki bjartsýnn á að leikur Fylkis og Grindavíkur gæti farið fram á réttum tíma.Víkingsvöllur „Hér er bara hvítt útlits," sagði Haraldur V. Haraldsson, framkvæmdarstjóri knattspyrnudeildar Víkings. „Völlurinn er mjög blautur og við erum að bíða eftir þurrkutíð," bætti hann við og mátti heyra bæði á honum og fleirum að það væri helsta vandamálið - bleytan. „Við getum ekki farið með nein tæki út á völlinn til að vinna í vellinum og sanda hann. Líkurnar á frestun aukast frá degi til dags." „Við þurfum að fá þurrkutíð og 7-10 stiga hita. En það er bara rigning í kortunum og því lítur þetta ekki nógu vel út." En hann segir að það sé erfitt að spá um framhaldið á þessum tímapunkti. Þetta muni einfaldlega ráðast mikið af tíðarfarinu á síðustu vikunni í apríl. „Með sama áframhaldi getur það varla talist raunhæft að spila á þessum velli þann 2. maí. Við þurfum bara að sjá til."Vestmannaeyjar „Þetta tók smá kipp fyrir viku síðan þegar það komu smá hlýjindi. Þá varð völlurinn aðeins grænn en það vantar enn nokkuð upp á," sagði Kári Þorleifsson, vallarstjóri Hásteinsvallar. Hann var þó enn bjartsýnn á að leikur ÍBV gegn Fram færi fram á réttum tíma. „En það fer eftir síðustu vikunni fyrir mót. Völlurinn er fljótur að taka við sér ef hann fær rétttar aðstæður. Við ætlum að láta reyna á þetta fram á síðustu stundu. Aðalmálið er að það fari að hlýna aðeins - það er kalt og spáin er þannig fyrir næstu daga."Aðrir vellir Heyra mátti á vallarstjórum Vals og Breiðabliks að hitunarkerfið kæmi að góðum notum við þessar aðstæður. „Völlurinn leit ágætlega út á föstudaginn," sagði Theódór Hjalti Valsson, vallarstjóri á Vodafone-vellinum. „Vandamálið er að hann er allt of blautur og getum við ekkert unnið í honum. Þetta er eitt blautasta vor í manna minnum. Við bárum á hann áburð á daginn en þurfum að bíða eftir þurrkutíð og hlýjindum til að geta unnið frekar í honum eins og þarf að gera." „En ég held að við séum að fara að spila á þessum velli, ekki nema að þetta haldi svona áfram út mánuðinn," sagði hann og átti þá við snjókomuna og kuldann. „Við þurfum nokkra daga með ágætis hita," sagði Jóhann Örn Sveinbjörnsson sem starfar á Kópavogsvellinum. „Við erum með dúk á vellinum núna sem hjálpar til við að halda kuldanum frá. Grasið hefur tekið ágætlega við sér og ég tel að hér verði spilað þann 1. maí." „Þetta lítur þokkalega út," sagði Sævar Leifsson, vallarstjóri Nettóvallarins í Keflavík. „Það snjóar aðeins en hefur ekki náð að festa neitt að viti." „Þetta er orðið þokkalegt en völlurinn á þó töluvert eftir. Við erum þó bjartsýnir á að þetta verði klárt í tæka tíð," sagði hann og bætti við að hitakerfið hefði hjálpað mikið til.Viðbrögð KSÍ Heyra mátti á fulltrúum KSÍ í morgun að ekki yrði tekin ákvörðun um frestun leikja á þessum tímapunkti heldur yrði fylgst með þróun mála á völlunum eftir því sem nær dregur fyrstu umferðinni.
Pepsi Max-deild karla Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti „Röng ákvörðun af minni hálfu og ég tek fulla ábyrgð“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Uppgjör og viðtöl: Vestri - HK 1-0 | Benedikt tryggði Vestra annan sigurinn í röð „Alveg ljóst að fínni blæbrigði knattspyrnurnnar þurfa að víkja“ Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Sandra María: Vil gera betur en í fyrra Uppgjörið og viðtöl: FH - Þór/KA 0-4 | Óvæntur stórsigur gestanna Uppgjör og viðtöl: Breiðablik - Tindastóll 3-0 | Sannfærandi sigur Blika á kraftmiklum Stólum „Við þurfum að þekkja okkar vitjunartíma og taka færin“ Uppgjörið og viðtöl: Þróttur R. - Valur 1-2 | Amanda heldur áfram að skora „Við erum ekki að fara rúlla yfir eitt eða neitt mót“ Sharts í aðalhlutverki í endurkomusigri Stjörnunnar Uppgjörið: Víkingur R. - Fylkir 2-2 | Jafnt í nýliðaslagnum „Auðvitað voru þetta ekki gleðifréttir“ Fékk prófessorsnafnið frá Gaupa: „Ég er bölvaður nörd“ Víkingar fengu góða sumargjöf Stórleikur í Garðabænum og Fram mætir þriðju deildarliðinu Berglind Björg komin með félagaskipti í Val Uppgjörið: Keflavík - Breiðablik 2-1| Sami Kamel afgreiddi Blika KR fékk ungan Svía fyrir gluggalok 350 þúsund krónur i sektir og tveir fá þriggja mánaða bann Sjá meira