Geislavirknin minnkað, segja stjórnvöld

Yfirvöld í Japan segja að geislavirkni í kjarnorkuverinu í Fukushima hafi minnkað eftir sprenginguna í morgun. Hlífðarhjúpur sem er utan um kjarnakljúfinn er óskemmdur.

Naoto Kan, forsætisráðherra Japans, sagði í yfirlýsingu að heilsu fólks yrði ekki ógnað og hvatti hann fólk, sem býr í nágrenni við kjarnorkuverið, að halda ró sinni.

Stjórnvöld lýstu yfir neyðarástandi og var öllum íbúm sem búa í 20 kílómetra radíus við kjarnorkuverið gert að yfirgefa heimili sín. Við sprenginguna í morgun myndaðist stórt ský sem tók stefnu sína frá kjarnorkuverinu.

Óttast var að geislunin væri nú jafnmikil á hverri klukkustund og leyfileg heildargeislun er á einu ári í kjarnorkuverinu. Orkumálaráðherra landsins hefur dregið þær fréttir til baka og segja að hlífðarhjúpurinn sé óskemmdur og dregið hafi úr geislavirkninni.

Stjörnvöld í Japan hafa beðið Breta um aðstoð við björgunaraðgerðir, en fram kom í morgun að íslenska alþjóðabjörgunarsveitin fer ekki til Japans.