Búið að fresta leik Víkings og Þórs

Snjókoman á höfuðborgarsvæðinu er heldur betur að setja sitt mark á Pepsi-deild karla því búið er að fresta öðrum leik í fyrstu umferð mótsins.

Fyrr í dag var leik Breiðabliks og KR frestað fram á þriðjudag og nú hefur verið ákveðið að leikur Víkings og Þórs, sem átti að fara fram á morgun, verði spilaður á þriðjudag.

Víkingsvöllurinn er á kafi í snjó rétt eins og Kópavogsvöllurinn.

Einnig kom til greina að færa leikinn fram í júní en núna á að reyna að spila á þriðjudag.