Áfram ágæt velta á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 96. Er það svipað og meðalfjöldinn hefur verið á viku síðustu þrjá mánuði sem er 94 samningar. 

Af þessum 96 samningum var 81 um eignir í fjölbýli, 14 samningar um sérbýli og 1 samningur um annars konar eignir en íbúðarhúsnæði.

Heildarveltan var tæplega 2,5 milljarðar króna og meðalupphæð á samning 25,5 milljónir króna í síðustu viku. Þetta eru nokkuð lægri tölur en verið hafa að meðaltali á viku síðustu þrjá mánuði. Á þeim tíma hefur vikuveltan að meðaltali verið tæpir 2,7 milljarðar kr. og meðalupphæðin 28,4 milljónir kr.