Matthías handarbrotinn og frá í tvær vikur

Matthías Guðmundsson, leikmaður Vals, verður frá næstu vikurnar þar sem hann handarbrotnaði í leik ÍBV og Vals í bikarnum fyrr í vikunni.

Þetta kemur fram á Fótbolti.net í dag. Matthías er með tvö brotin bein í handarbaki eftir að hafa fallið illa til jarðar eftir samstuð.

„Ég verð að forðast allt samstuð í tvær vikur en má alveg æfa. Ég mun því halda mér í toppformi og stefni á að koma sterkur til baka," sagði Matthías.

Valur mætir næst Víkingi á sunnudagskvöldið en liðið er í fjórða sæti Pepsi-deildar karla með tólf stig, fimm stigum á eftir toppliði KR.