Lúðvík tekur sæti á Alþingi

Lúðvík Geirsson hefur ákveðið að taka sæti Þórunnar Sveinbjarnardóttur á Alþingi á morgun. Þórunn tilkynnti óvænt á þingfundi á föstudaginn að hún hygðist láta af þingstörfum og setjast á skólabekk í Háskóla Íslands.

„Ég hef verið að nota helgina til að finna út úr því hvernig við leysum þau verkefni sem ég ehf verið með í höndunum,“ segir Lúðvík. Hann hefur undanfarið starfað með jöfnunarsjóði sveitarfélaga að flutningi á málefni fatlaðra frá ríki til sveitarfélaga.