Þingmaður Samfylkingarinnar, Sigmundur Ernir Rúnarsson, telur það vera rétta ákvörðun hjá Reykjavíkurborg að styrkja ekki Kristskirkjuna í Reykjavík, vegna viðhorfa söfnuðarins til samkynhneigðar.
Þingmaðurinn telur ekki rétt að útsvari Reykvíkinga verði notað til þess að styðja söfnuðinn.
Sigmundur segist hafa lesið grein Friðriks Schram, prests í Kristskirkju, sem birtist í Fréttablaðinu og á Vísi í dag.
Sigmundur skrifar á bloggið sitt: „Hann [Friðrik Schram. innskt. blms.] kveðst akkúrat ekki vera andvígur hneigðinni, bara framkvæmdinni! Sumsé; það má girnast, ekki gera … Heyr á endemi."
Sigmundur bætir við að það Friðrik haldi því svo blákalt fram að mikill meirihluti kristinna manna um heima allan sé sömu skoðunar.
Hann líkur svo færslunni á orðunum:
„Að gefnu tilefni vil ég ekki að svona söfnuður njóti styrkja úr mínum vasa; að mannréttindasvið Reykjavíkurborgar noti minn hluta útsvarsins til að byggja upp starf af þessu tagi. Það tel ég "ekki rétt" …"
Sigmundur Ernir er þingmaður Norðausturlands.
Sigmundur Ernir vill ekki styrkja Kristskirkju: „Heyr á endemi“
Tengdar fréttir
Friðrik Schram: Þeir sem eru á móti samkynhneigð mæta fordómum
Friðrik Schram, prestur Kristskirkjunnar í Reykjavík, segist vera hafður fyrir rangri sök þegar honum voru gefnar upp þær skoðanir að honum þætti samkynhneigð synd og glæpsamleg.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
