Umfjöllun: Eyjamenn lögðu FH-inga í Eyjum

ÍBV vann 3-1 sigur á FH í leik liðanna á Hásteinsvelli í dag. Eyjamenn voru sterkari aðilinn og unnu sanngjarnan sigur. ÍBV er með sigrinum komið í þriðja sæti deildarinnar með 19 stig en FH-ingar hafa 15 stig í því fjórða.

Eyjamenn voru töluvert sterkari aðilinn í leiknum í kvöld og komust yfir undir lok fyrri hálfleiks. Þá tók Finnur Ólafsson aukaspyrnu frá vinstri á kollinn á Kelvin Mellor sem skallaði boltann af krafti í markið. Sanngjörn forysta heimamanna í hálfleik.

Eyjamenn bættu við marki í upphafi síðari hálfleiks. Þá sendi Tryggvi Guðmundsson boltann út á hægri kantinn á Ian Jeffs. Englendingurinn sendi boltann fyrir markið þar sem Tryggvi kom, tók boltann á bringuna og sendi með hægri fæti í netið.

Matthías Vilhjálmsson lagaði stöðuna fyrir FH skömmu síðar og þeir vel inni í leiknum tölulega séð. Þeir náðu hins vegar ekkert að ógna marki heimamanna sem gerðu út um leikinn skömmu fyrir leikslok. Tryggvi sendi þá fyrir markið frá vinstri á Andra Ólafsson sem kom á ferðinni og renndi boltanum framhjá Gunnleifi.

Margir töldu FH-liðið komið í gang eftir 7-2 stórsigurinn á Grindavík en það var ekki að sjá í leiknum í dag. Eyjamenn náðu hins vegar að hrista af sér vonbrigðum úr Írlandsferðinni og halda í við toppliðin.