Jóhann Helgi: Því miður fór þetta í tæklingar og vitleysu

Jóhann Helgi Hannesson var hetja Þórs á móti Keflavík í Pepsi-deildinni í kvöld. Jóhann var að vonum sáttur við sigurinn hjá sínum mönnum.

„Ég var alls ekkert orðinn smeykur þó þeir hafi verið yfir í baráttunni seinni part leiksins. Við höfum alltaf trú á að við gætum unnið þetta og héldum áfram að berjast og þá yfirleitt kemur sigur hérna heima,” sagði Jóhann sem skoraði sigurmarkið á 87. mínútu.

Um hörkuna í leiknum í seinni hálfleik sagði Jóhann.

„Mér fannst alveg vera hægt að stoppa þetta strax með því að tala við menn og róa þá niður en því miður fór þetta í tæklingar og vitleysu og því fylgdu meiðsli. Svoleiðis er fótboltinn hins vegar stundum og þá verður maður bara að vera ofan á í baráttuni, halda áfram að berjast og það var akkúrat það sem skilaði okkur sigurmarkinu í dag,” sagði Jóhann Helgi.