Freyr: Ekkert í þeirra leik kom okkur á óvart

Freyr: Ekkert í þeirra leik kom okkur á óvart

Freyr Alexandersson aðstoðarþjálfari Valsmanna var afar sáttur við leik sinna manna í Keflavík í

kvöld.

„Frábær leikur og virkilega góður bolti sem Valsmenn spiluðu bæði varnarlega og sóknarlega. 2-0 sigur,

hefði getað verið sáttur ég er alveg sammála því. Ég fer sáttur heim með þrjú stig og markið okkar

hreint," sagði Freyr.

Valsarar voru betri frá fyrstu mínútu og Keflvíkingar áttu aldrei möguleika gegn frískum Valsmönnum.

„Við náðum að stúdera gott Keflavíkurlið vel. Við vorum svo heppnir að þeir spiluðu við Breiðablik

daginn á eftir okkur og náðum að skoða þeirra leik ítarlega. Það kom ekkert á óvart í þeirra leik. En

ég verð að hrósa strákunum fyrir gríðarlegt vinnuframlag og dugnað. Það skilar okkur sigrinum í dag,"

sagði Freyr.

Hann var sammála því að lokatölurnar hefðu getað verið allt aðrar.

„5-0 hefðu ekkert verið ósanngjörn úrslit en 2-0, ég er sáttur við það og ætla ekkert að vera frekur,"

sagði Freyr.