Þórarinn Ingi: Duttum of langt til baka

Þórarinn Ingi Valdimarsson kom beint inn í Eyjaliðið eftir að hafa verið með íslenska U-21 árs liðinu á EM. Þar fékk hann reyndar ekkert að spila og mætti því ferskur til leiks.

"Það var fínt að vera hluti af þessum hóp og mikill heiður. Ég kem heim reynslunni ríkari," sagði Þórarinn Ingi sem átti fínan leik á miðjunni hjá ÍBV í 2-3 sigri á Val.

"Við duttum allt of langt til baka eftir að hafa náð 3-0 forystu. Við áttum að halda áfram og klára þá bara. Seinni hálfleikur var alls ekki nógu góður hjá okkur.

"Sem betur fer klárum við þetta. okkur finnst greinilega fínt að spila hérna og vonandi gengur svona vel líka á þessum velli í Evrópukeppninni."