Þróttarar jöfnuðu tvisvar gegn BÍ/Bolungarvík

Þróttur og BÍ/Bolungarvík gerðu 2-2 jafntefli í 1. deild karla í gær. Lærisveinar Guðjóns Þórðarsonar að vestan halda því áfram að gera það gott.

BÍ/Bolungarvík komst tvívegis yfir í leiknum með mörkum Hafþórs Atla Agnarssonar og Atla Guðjónssonar. Dusan Ivkovic og Sveinbjörn Jónasson skoruðu jöfnunarmörk Þróttar í leiknum.

BÍ/Bolungarvík er í fjórða sæti deildarinnar með þrettán stig en Þróttur í því fimmta með ellefu. Anton Brink, ljósmyndari Vísis og Fréttablaðsins, var á Valbjarnarvelli í gær og tók þessar myndir.