Heimir: Sprækir Þórsarar refsuðu okkur

“Við FH-ingar erum aldrei sáttir nema við fáum þrjú stig,” sagði Heimir Guðjónsson, þjálfari FH eftir jafnteflið við Þór í kvöld. Lokatölur 2-2 á Akureyri.

“Við hættum að spila fótbolta eftir að við komumst yfir. Við héldum bara að við gætum labbað í gegnum leikinn en sprækt Þórslið refsaði okkur bara. Mér fannst við betri í fyrri hálfleik en í seinni hálfleik drógu þeir sig til baka og við höfðum tök á leiknum.”

“Við héldum að þetta kæmi bara en við fengum auðvitað mikið af góðum færum sem við áttum að nýta. Aðal málið er samt að við eigum ekki að fá á okkur þessi mörk,” sagði Heimir en FH er nú með níu stig eftir sjö leiki.

“Við erum auðvitað að berjast á röngum enda töflunnar. En hún lýgur ekki og við eurm bara með níu stig sem er ekkert sérstaklega mikið. Við þurfum bara að skoða okkar mál áfram,” sagði Heimir.