Fyrrum liðsfélagar standa að Meistaraleiknum fyrir Steina Gísla

KR og Akranes mætast í ágóðaleik á laugardaginn kl. 17.15 á Akranesvelli fyrir Sigurstein Gíslason fyrrum leikmann beggja félaga – sem á við erfið veikindi að stríða. Sigursteinn, sem er einn sigursælasti leikmaður landsins, greindist með krabbamein í lungum og nýrum nýverið. En Sigursteinn hefur þjálfað Leikni í Breiðholti með góðum árangri.

Nú hyggjast félagar hans úr KR og ÍA efna til ágóðaleiks til styrktar Sigursteini og fjölskyldu hans þar sem að margir af bestu knattspyrnumönnum landsins í gegnum tíðina munu sýna snilli sína.

Kolbeinn Tumi Daðason ræddi við Rúnar Kristinsson frá KR og Þórð Guðjónsson frá ÍA vegna leiksins.