Engir Úgandamenn með ÍBV-liðinu í kvöld

Þór og ÍBV verða án margra leikmanna þegar þau mætast í Pepsi-deild karla á Þórsvellinum á Akureyri í kvöld. Þrír leikmenn Þórsliðsins eru í agabanni og tveir landsliðsmenn Úganda komust ekki til landsins í tæka tíð eftir að hafa spilað á móti Gínea-Bissá um helgina.

Tonny Mawejje og Abel Dhaira eru enn í Úganda samkvæmt frétt á Eyjafréttum í dag og þar sem að Albert Sævarsson er enn meiddur þá mun Guðjón Orri Sigurjónsson, 19 ára gamall markvörður 2. flokks, standa í Eyjamarkinu í kvöld. Þeir Tonny og Abel lentu í vegabréfsvandræðum en áttu samkvæmt frétt Eyjafrétta að vera komnir inn á hótelherbergi í Reykjavík á sunnudaginn.

Þórsararnir Atli Jens Albertsson, Kristján Páll Hannesson og Jóhann Helgi Hannesson eru ekki í hóp Þórsara en fótbolti.net greindi frá því í dag að þær væru í agabanni í leiknum. Atli Jens og Jóhann Helgi hafa verið í byrjunarliðinu í fyrstu fimm leikjum liðsins en Kristján Páll hefur ekkert spilað.