Hamarsmenn fyrstir í 16-liða úrslitin

Hamar vann í kvöld 2-0 sigur á KFS frá Vestmannaeyjum í fyrsta leik 32-liða úrslita Valitors-bikarsins í knattspyrnu.

Ingþór Björgvinsson kom Hamri yfir í fyrri hálfleik en Ragnar Valberg Sigurjónsson skoraði síðara markið í þeim seinni. Hamar leikur í 2. deildinni en KFS í 3. deildinni.

Leikurinn fór fram á Grýluvelli í Hveragerði og að sögn Hamarsmanna var völlurinn í góðu ásigkomulagi þrátt öskufallið sunnanlands síðustu daga.

Hinir leikirnir í 32-liða úrslitunum fara fram annað kvöld og á fimmtudag.