Robbie kominn til Grindavíkur

Skoski reynsluboltinn og framherjinn Robbie Winters skrifaði undir samning við Grindavík í morgun og gildir samningurinn út þessa leiktíð. Þetta kemur fram í fréttatilkynningu frá Grindavík.

Robbie Winters hefur leikið með Livingston í Skotlandi undanfarin tvö ár þar sem hann skoraði 18 mörk í 63 leikjum. Lliðið fór upp um tvær deildir á tveimur árum með hann í framlínunni.

Winters hóf ferilinn hjá Dundee United (118 leikir /27 mörk) en lék með Aberdeen (132/41), Luton Town (1) og svo frá 2002-2008 með Brann í Noregi (135/42) þar sem hann lék með Ólafi Erni Bjarnasyni þjálfara Grindavíkur.

Winters hefur leikið einn landsleik fyrir Skotland en hann er 36 ára gamall og hefur fengið keppnisleyfi með Grindavík.