Formúlu 1 lið Lotus samdi við Red Bull

Formúlu 1 lið Lotus hefur samið við Red Bull um tæknibúnað árið 2011 og fastlega er gert ráð fyrir að Lotus verði með Renault vélar á næsta ári.

Lotus fær gírkassa og meðfylgjandi búnað frá Red Bull, sem notar Renault vélar. Lotus og Cosworth vélaframleiðandinn ákváðu á dögunum að hætta samstarfi og allt bendir til þess að Renault vélar verði um borð í Lotus á næsta ári.

"Tilkynningin um að við höfum náð samningi til margra ára við Red Bull Technology um að útvega okkur gírassa og annan búnað frá 2011 er risavaxið skref fyrir okkur. Bæði tæknilega séð og ekki síður til að sýna hug okkar fyrir næsta ár og til framtíðar", sagði Gascoyne í frétt um málið á autosport.com.

"Það að tvöfaldir loftdreifar verða ekki notaðir 2011 þýðir aðra útfærslu á efturenda bílanna og þessi samningur gerir okkur kleift að fullnýta möguleikanna á 2011 bíl okkar. Það eru spennadi tímar framundan hjá Lotus."

Gert er ráð fyrir tilkynningur frá Lotus á næstunni um að liðið verði með Renault vélar á næsta ári.