Button: Deila Red Bull manna hjápar McLaren

Heimsmeistarinn Jenson Button telur að hamgangurinn milli Sebastian Vettel og Mark Webber hjá Red Bull undanfarið muni hjálpa McLaren í titilslagnum, en Lewis Hamilton og Button eru í tveimur efstu sætum stigamótsins. Webber var ósáttur að Vettel fékk væng undan hans bíl rétt fyrir tímatökun á Silverstone um helgina og svaraði mótlætinu með sigri. Líklegt er þó að öldurnar lægji fljótlega, en Webber og Vettel voru á dögunum ekki sáttir eftir að hafa tapað fyrsta og öðru sæti í keppni í Tyrklandi eftir árekstur. Uppákoman um helgina er því olía á eldinn og verk Christian Horner er að kæla menn niður fyrir næstu keppni. "Þetta (sem gerðist um helgina) þýðir að þeir verða uppteknir af því hvert skal stefna. Samskipti innan okkar liðs eru góð, sama hve fólk talar mikið um hver staðan milli okkar er. Liðsmenn okkar hafa ekki áhyggjur af því hvernig okkur semur", sagði Button í frétt á autosport.com í dag. "Þeir geta einbeitt sér að því að gera bíl okkar fljótari, en okkur skortir hraða í samanburði við Red Bull. En við þurfum ekki að hafa áhyggjur af pólitík í brautinni og hugsum um að bæta bílinn. Button virðist hliðhollur Webber í málinu milli hans og Red Bull, sem Webber þótti mismuna sér og Vettel í síðustu keppni með búnaði. "Ég er stoltur af gæjanum. Hann vann sitt verk vel, hvort sem framvængurinn var að virka eða ekki. Það er erfitt fyrir ökumann að fara í keppni vitandi það að að hann er ekki með sama bíl og liðsfélaginn. Jafnvel þó búnaðurinn virki ekki, þá er þetta særandi og Webber átti sigurinn skilinn. Hann gerði góða hluti" sagði Button.