NBA: Knicks skellti Denver

NY Knicks gerði sér lítið fyrir og lagði Denver Nuggets af velli í NBA-deildinni í nótt. Leikurinn snérist upp í einvígi Carmelo Anthony og Danilo Gallinari.

Þeir rifu kjaft hvor við annan og skiptust á að setja niður körfur. Á endanum vann Gallinari stríðið.

Það var aldrei þessu vant uppselt í Madison Square Garden en þar mátti sjá stórmenni á borð við Magic Johnson, Philip Seymour Hoffman og Chloe Sevigny.

Gallinari endaði leikinn með 28 stig en Anthony skoraði 36 fyrir Denver,

Úrslit næturinnar:

Washington-Charlotte  86-95

Detroit-Indiana  83-98

NY Knicks-Denver  109-104

Dallas-LA Clippers  109-96