Formúla 1 í Bandaríkjunum næstu 40 ár

Tavo Hellmund er á bakvið Formúlu 1 mótshald í Bandaríkjunum sem hefst á næsta ári á ný, í Austin í Texas. Hann segir að mótið sem hann skipuleggur gæti hæglega verið á dagskrá næstu 40 árin. "Mér fannst Austin tilvalinn staður og fór á fund með Bernie Ecclestone um málið", segir Hellmund í frétt á autosport.com, sem vitnar í f1.com. "Mín kenning er að maður þarf að vera á réttum stað á réttum tíma og þetta er rétti tíminn fyrir mót í Austin. Við erum með 10 ára samning, en að mínu viti getur orðið mót þarna næstu 40 árin", sagði Hellmund. Formúla 1 hefur átt erfitt uppdráttar í Bandaríkjunum, en Austin í Texas hefur vaxið hratt síðustu 15 ár og þykir heppilegur staður fyrir íþróttina. "Texas fylkið hefur vaxið upp í það að vera ellefta stærsta efnhagskerfi heims og mikið af stórum fyrirtækjum eru staðsett þar og Austin er höfuðborg fylkisins." Hanns segir gott fyrir suður ameríska áhugamenn að nálgast mótið og verður byggð sérstök braut í Austin. Þá er stutt fyrir Mexikóbúa að fara en ungur ökumaður frá því landi, Sergio Perez er að keppa í GP2, sem er sömu mótshelgar of Formúla 1. Leið margra í Formúlu 1 er einmitt um GP 2 þátttöku.