Buemi hefur ekki skrifað undir

Sebastian Buemi frá Sviss hefur ekki skrifað undir samning við Torro Rosso, þrátt fyrir að Franz Tost, framkvæmdarstjóri liðsins hafi tilkynnt í gær að hann og Jamie Alguersuari yrðu hjá liðinu á næsta ári. Tost kann að vilja hafa Buemi áfram, en Buemi sagði í frétt á autosport í morgun að hann hefði ekki skrifað undir enn sem komið er. Hann segir smáatriði vanta í samninginn og að ökumannsmarkaðurinn sé enn opinn. Þessi orð eru höfð eftir Buemi af fréttamiðlinum Blick í Sviss. Torro Rosso er ítalskt lið og systurlið Red Bull. Liðið reyndist stökkpallur fyrir Sebastian Vettel í toppbaráttuna, en hann ók með Torro Rosso í upphafi ferilsins og vann sinn fyrsta sigur með liðinu.