Bloomberg: Forsetinn ógnar alþjóðasamskiptum Íslands

Í frétt Bloomberg er m.a. farið yfir stöðu Íslands hjá matsfyrirtækjunum Fitch Ratings og Standard & Poors. Bent er á að bæði fyrirtækin séu með lánshæfismat á ríkissjóði aðeins einum flokki yfir svokölluðum „rusl-flokki".

Tekið er fram að bæði fyrirtækin hafi sagt að farsæl lausn á Icesave málinu hafi mikið að segja til um hvort ríkissjóður Íslands haldi lánshæfimati sínu þar eða hrapi niður í „rusl-flokkinn".

Þá er greint frá ummælum Alistair Darlings frá því í gærdag um að höfnun á Icesave samkomulaginu myndi gera erfiða stöðu Íslands mun erfiðari en hún er nú.