Börsen: Ísland hleypur frá breskri bankaskuld

Norrænir fjölmiðlar voru snöggir að greina frá niðurstöðu forsetans í Icesave málinu. Fyrirsögnin á stuttri frétt á börsen.dk er „ Ísland hleypur frá breskri bankaskuld".

Börsen segir að með ákvörðun forsetans hafi breskir innistæðueigendur enga möguleika á að fá endurgreidda þá 5 milljarða dollara sem þeir töpuðu á hruni íslenska bankakerfisins. Það er þvert gegn væntingum þeirra um endurgreiðslur.

Fyrirsögnin á vefsíðu Politiken er á svipuðum slóðum en hún er: "Ísland vill ekki borga breska bankaskuld". Á báðum miðlunum eru boðaðar framhaldsfréttir af málinu í dag.