Guðmundur tilkynnir fimmtán leikmenn - Ólafur í stúkunni

Guðmundur Guðmundsson hefur tilkynnt fimmtán leikmenn til þátttöku á Evrópumeistaramótinu í handbolta sem hefst í dag.

Ísland mætir Serbíu í kvöld en íslenski riðillinn fer fram í Linz.

Hvert lið þurfti að tilkynna sinn leikmannahóp til evrópska handknattleikssambandsins í gær, mest sextán leikmenn.

Guðmundur ákvað hins vegar að skilja eftir eitt pláss autt og verður því FH-ingurinn ungi, Ólafur Guðmundsson, upp í stúku í kvöld.

Danir og Serbar tilkynntu alla sextán leikmenn sína til leiks í gærkvöldi en Dagur Sigurðsson, landsliðsþjálfari Austurríkis, aðeins fimmtán rétt eins og Guðmundur.

Leikmannahópur Íslands:

Markverðir:

Björgvin Páll Gústavsson

Hreiðar Guðmundsson

Aðrir leikmenn:

Vignir Svavarsson

Logi Geirsson

Aron Pálmarsson

Ingimundur Ingimundarson

Ásgeir Örn Hallgrímsson

Arnór Atlason

Guðjón Valur Sigurðsson

Snorri Steinn Guðjónsson

Ólafur Stefánsson

Sturla Ásgeirsson

Alexander Petersson

Sverre Jakobsson

Róbert Gunnarsson