Forseti FIA: Ekki nægar sannanir til að refsa Ferrari meira

Jean Todt, forseti FIA segir að ekki hafa verið hægt að refsa Ferrari frekar vegna liðsskipanna í þýska kappakstrinnum á dögunum, þar sem ekki hafi verið nægar sannanir fyrir hendi að reglur hafi verið brotnar. Autosport.com greinir frá þessu í dag og er vitnað í viðtal á BBC. Ferrari fékk 100.000 dala sekt eftir þýska kappaksturinn í Þýskalandi, þar sem Felipe Massa hleypti Fernando Alonso framúr sér og dómarar töldu það að undirlagi stjórnenda liðsins. Todt sagði í viðtalinu við BBC að sanna þyrfti sekt, áður en menn væru sakfelldir og að allir hjá Ferrari hefðu neitað því að um liðsskipanir hafi verið að ræða. Hann kvaðst þó persónulega vera sammála skoðun annarra að um liðsskipanir hefði verið að ræða, eins og dómarar töldu að væri raunin. En Ferrari slapp við frekari refsingu vegna málsins eftir að FIA tók málið fyrir í gær. Stefano Domenicali, yfirmaður Ferrari fagnaði ákvörðun FIA og líka þeirri staðreynd að sambandið vill endurskoða reglur varðandi liðsskipanir. Hann telur mikilvægt að reglurnar verði gerðar skýrari hvað liðsskipanir varðar.