Margrét Lára: Frakkar eru eins og frændur okkar

Eins og allir býst Margrét Lára Viðarsdóttir við því að leikurinn gegn Frökkum í dag verði mjög erfiður. Margrét er í byrjunarliði Íslands í dag en hún hefur ekki spilað mikið undanfarnar vikur.

"Það er eins og þeir séu nýju frændur okkar, við höfum mætt þeim svo oft. Bæði liðin þekkjast vel," segir Margrét.

"Þær eru með frábært lið, mjög góða einstaklinga sem búa yfir mikilli reynslu. Við þurfum að eiga góðan leik til að eiga möguleika á að vinna þær," segir hún.

"En það hjálpar okkur vonandi að þeirra tímabil er ekki byrjað á meðan við eigum allar að vera í topp standi," sagði Margét Lára.

Leikurinn hefst klukkan 16.00.